Syair/Zikir Aceh; HADIS JANJONGAN
**HADIST JANJONGAN**
Deungo saudara hadist janjongan
Loen tinggai matan loen sebut makna
Di dalam hadist nabi jelaskan
Na peut boh macam tiang agama
Neubri ileumei para ulama
Yang neuseudia lam jeu-jeut watei
Neubrie ileumei keu manusia
Teuma keudua wahe budiman
Yang murah tangan dum ureung kaya
Seukedar harta neutem dermakan
Harta neuseumbang bak tuhan ridha
Teuma yang keulhei beuna tayakin
Nibak pemimpin adilan beuna
Bak neucok hukom didalam alam
Bek geubedakan gasien ngen kaya
Teuma yang keupeut wahe muslimin
Bak fakir miskin taharap do’a
Uroe ngen malam lakei bak Tuhan
Nanggroe beuaman sepanjang masa
Tags:
zikr
islam
adsense
water
hello!
