Syair/Zikir Aceh; Meureupah Jaga

***MEUREUPAH JAGA***

Bak watei lahe ya Rasulullah

Kadeuh mukjizat neubie le Allah

Neu sujud syukur pujo keu Allah

Rupa that ceudah bagai purnama

Peungeuh meucahya di naggroe meukah

Dum fadilah saidil mustafa

Di nanggroe paris apui di seumbah

Ngen keuheundak Allah gadoh cahaya

Para malaikat bri pengeumuman

Soe tem peutimang bijeh permata

Di seu ot ticem nibak watei nyan

Aneuk yatim nyan bah kamoe jaga

Seu-ot binatang laju nibak nyan

Kamoe ya Tuhan yang leubeh aula

Dum nyan keu leubeh rasul janjungan

Makhluk lam alam di reupah jaga

Nibak watei nyan kheun malaikat

Coba iem siat ube na gata

Lam ileumei allah kaleuh tersurat

Halimah meuhat jaga saidina

Halimah cot le rasul janjungan

Dudoe nibak nyan beurangkat teuma

Halimah tinggai bak saboh duson

Seulama peut thoen jaga saidina

            
Tags:
Nature
close
Click Us
Jump
Aceh
Indonesian
Zikr
Hikayah